今早到了謝夫的註冊儀式觀禮,作為在場的一份子,親身感受到何謂簡單而隆重,雖然過程只是短短的十數分鐘,但也令人十分感動...初時真是想不到要送什麼給一對新人,但最後還是挑選了,希望他們會喜歡吧...

昨天知道舊公司剛裁了一百八十人,真是令人心都寒埋最近知道差不多所有認識的舊同事都紛紛離職,希望他們前途一片光明~諗返自己,原來待在新公司已剛過了一個月了...只可以話,一份工總會有好與唔好既地方,不過人總是貪得無厭,深深感受到,原來要找一份理想的工作實在是不容易...

近期的生活充實了,但也有累的時候,好想休息多點早點睡啊...但係重播既衝上雲霄實在太好睇了...

終於都開左個facebook喇...希望可以盡快將平日影左d朋友聚會同之前響P記既相放上去,同大家分享下

今日睇左功夫熊貓,如果滿分有十個鍾意,我諗我有二十個鍾意呢套戲,好耐冇睇過咁好睇又咁有意思既動畫啦~

早幾日同P記舊同事聚會,很愉快的一晚...同時我開始在想,當初為甚麼要轉工...原來只是純粹為錢,點解我會變成咁...近期意識到自已原來真唔適合做呢行,迷茫中...到底未來既路要怎樣呢?...要好好去想想...

總討厭自己那反反覆覆,實在令自己亦感到無奈和氣餒...

離開P記到F記工作已有一個星期的時間,真係唔係幾適應,樣樣野都驚做錯做漏,又多野做又做得慢,同事又唔熟...最慘係P記一層剩係新翼個女厠都有六格加三個洗手盤,仲有源源不絕既抺手紙,但係而家成公司只得一格簡陋的女厠...oh

我好掛住P記d同事啊,幾乎日日打返去,仲試過扮vendor追佢地貨,真真無聊點知真係有人以為我係vendor...hahahahhaha

希望跟住落黎會漸入佳境吧!

是我有問題嗎?將人的優點睇到芝麻咁細,但缺點就西瓜咁大...還是我太悲觀了?

不經不覺到了在公司last day的日子,心情比想像中平靜,只是偶爾受刺激時就想哭...有點黯然...

不過食飯食左成千七蚊,好豪氣啊...

派餅派到好累,也影左好多相,好多好多感觸的說話...好感動的一天,有同事送我一句"凡事盼望",希望所有好多好的東西陸續有來吧!

(相片後補)

人生無常,很想多做一些令自己開心舒服的事...